ផ្នែកព្យាបាលដោយចលនា និងស្តារនីតិសម្បទា នៃមន្ទីរពេទ្យសាកលវិទ្យាល័យអន្តរជាតិ សែនសុខ (SSIUH) គឺជាមជ្ឈមណ្ឌលឯកទេសដែលជួយឱ្យអ្នកជំងឺវិលត្រឡប់ទៅរកសកម្មភាពរស់នៅប្រចាំថ្ងៃវិញដោយភាពជឿជាក់។ យើងផ្តល់សេវាកម្មថែទាំយ៉ាងយកចិត្តទុកដាក់សម្រាប់អ្នកជំងឺដែលត្រូវការស្តារមុខងាររាងកាយ បន្ទាប់ពីការវះកាត់ គ្រោះថ្នាក់ ឬជំងឺរ៉ាំរ៉ៃផ្សេងៗ។

មជ្ឈមណ្ឌលយើងមានមោទនភាពចំពោះការរួមបញ្ចូលគ្នានូវបច្ចេកទេសស្តារនីតិសម្បទាទំនើប៖

• វេជ្ជបណ្ឌិតឯកទេសជនជាតិកូរ៉េ៖ នាំមកនូវបច្ចេកវិទ្យា និងវិធីសាស្ត្រព្យាបាលដោយចលនាកម្រិតខ្ពស់តាមស្តង់ដារប្រទេសកូរ៉េ ដែលល្បីល្បាញលើវិស័យវេជ្ជសាស្ត្រកីឡា និងការស្តារមុខងារសន្លាក់។

• វេជ្ជបណ្ឌិត និងអ្នកជំនាញជនជាតិខ្មែរ៖ ដែលមានបទពិសោធន៍ខ្ពស់ យល់ច្បាស់ពីតម្រូវការរបស់អ្នកជំងឺ និងផ្តល់ការហាត់ពត់យ៉ាងយកចិត្តទុកដាក់បំផុត។

• ការស្តារនីតិសម្បទាក្រោយពេលវះកាត់: ជួយឱ្យឆ្អឹង សន្លាក់ និងសាច់ដុំវិលរកសភាពប្រក្រតីវិញបានឆាប់រហ័ស បន្ទាប់ពីការវះកាត់ឆ្អឹង ឬសរសៃពួររួច។

• ការព្យាបាលជំងឺប្រព័ន្ធប្រសាទ: ជួយអ្នកជំងឺដែលខ្សោយមួយចំហៀងខ្លួន (Stroke) ឬមានបញ្ហាប្រព័ន្ធប្រសាទឱ្យមានចលនាឡើងវិញ។

• ការព្យាបាលការឈឺចាប់សាច់ដុំ និងសន្លាក់: ព្យាបាលការឈឺចង្កេះ ឈឺក ឈឺស្មា និងការរលាកសន្លាក់រ៉ាំរ៉ៃ ដោយមិនប្រើថ្នាំ។

• ជួយអត្តពលិកឱ្យឆាប់ជាសះស្បើយពីរបួស និងពង្រឹងកម្លាំងសាច់ដុំដើម្បីវិលចូលទីលានវិញ។